२०७५ पौष २ गतेको कार्यालय प्रमुखको बैठकका निर्णयहरु
2075-09-05
2075-09-05
- सबै कार्यालयहरूको प्रगति अवस्थाबारे छलफल गरियो।कार्यालयका कार्यक्रम तथा आयोजनाहरू समयमै सम्पन्न गर्ने गरी काम अघि बढाउन निर्देशन दिइयो ।
- कर्मचारी समायोजनका सम्बन्धमा संघीय मामिला तथा सामान्य प्रशासन मन्त्रालयबाट प्राप्त निर्देशन अनुसार सबै स्थानीय तह तथा कार्यालयहरूले समायोजनको कार्य तत्काल अघि बढाउने र सो सम्बन्धमा उक्त मन्त्रालयबाट प्राप्त निर्देशन अनुसार सबै स्थानीय तह, जिल्ला समन्वय समितिको कार्यालय र जिल्ला प्रशासन कार्यालयमा हेल्प डेस्क स्थापना गर्ने निर्णय गरियो ।
- यहि मिति २०७५ पौष १३ र १४ गते सरूमारानी गाउँपालिकाको बड्डाँडामा र पौष २७ र २८ गते ऐरावती गाउँपालिकामा एकीकृत घुम्ति शिविर सञ्चालन गर्ने र उक्त शिविरमा जिल्ला प्रशासन कार्यालय, जिल्ला प्रहरी कार्यालय, जिल्ला निर्वाचन कार्यालय तथा सम्बन्धित गाउँपालिकाबाट सेवा प्रदान गर्ने तथा अन्य कार्यालयहरूलाई समेत सहभागिता जनाउन अनुरोध गर्ने निर्णय गरियो ।
- सरकारी सवारी साधनहरुको दुरुपयोग नियन्त्रण सम्बन्धमा यस अघि भएका निर्णय तथा निर्देशनहरूको पूर्णरूपमा पालना गर्ने, गराउने निर्णय गरियो ।
- बजार क्षेत्रमा CC TV/Camera जडान नगरेका स्थानीय तहहरूलाई उक्त कार्य तत्काल गर्न अनुरोध गर्ने निर्णय गरियो ।
- लैङ्गिक हिंसा नियन्त्रण गर्ने सन्दर्भमा जिल्ला प्रशासन कार्यालयले तयार गरेको कार्ययोजना कार्यान्वयनमा आवश्यक सहयोग तथा सहजीकरण गर्न सबै स्थानीय तह र सम्बन्धित कार्यालयहरूलाई अनुरोध गर्ने निर्णय गरियो ।
| फाईलको नाम / शिर्षक | फाईलको साइज | एक्सन |
|---|---|---|
| कार्यालय_प्रमुखको_वैठकका_निर्णयहरु_२०७५।९।२docx.docx | 13.67 KB | हेर्नुहोस डाउनलोड |