मिति २०७५ चैत्र ३ गतेको कार्यालय प्रमुखको बैठकका निर्णयहरु
2075-12-03
2075-12-03
- सबै कार्यालयहरूको प्रथम ८ महिनाको प्रगति अवस्थाबारे छलफल गरियो। अधिकांश कार्यालयको पुँजीगत बजेट कार्यान्वयनको अवस्था न्यून देखिएकोले आगामी दिनमा थप तदारुकताका साथ कार्यक्रम तथा आयोजनाहरू समयमै सम्पन्न गर्ने गरी काम अघि बढाउन निर्देशन दिइयो ।
- सबै कार्यालय तथा स्थानीय तह अन्तर्गत सञ्चालित कार्यक्रम तथा आयोजनाहरुको अनुगमन सहितको विवरण माग गर्ने निर्णय गरियो ।
- कार्यक्रम तथा आयोजनाहरु सञ्चालन गर्दा अनिवार्यरुपमा वातावरणीय प्रभाव मूल्यांकन तथा सम्बन्धित निकायहरुसँग समन्वय कायम गर्न सबै कार्यालयहरुलाई निर्देशन दिइयो ।
- कार्यक्रम तथा आयोजनाको लागत अनुमान र कार्यसम्पादनबीच तादाम्यता कायम नभएको, गुणस्तरीय काम नभएको, नियमित अनुगमन नभएको, काम नै नभइ भुक्तानी भएको/काम भन्दा बढी भुक्तानी भएको जस्ता गुनासा/उजुरीहरु आउने गरेको हुँदा यस्ता कार्यलाई कडाईका साथ नियन्त्रण गर्न निर्देशन दिइयो ।
- पछिल्लो समयमा मुलुकमा देखा परेका आपराधिक गतिविधिहरु प्रति उच्च सतर्कता अपनाउने, त्यस्ता गतिविधिलाई नियन्त्रण गर्न सुरक्षा निकायहरुसँग निरन्तर समन्वय गर्ने निर्णय गरियो ।
- मिति २०७५ फागुन २ गते सम्पन्न जिल्लास्थित कार्यालयहरु तथा स्थानीय तहहरुबीचको समन्वय बैठक लगायत यस अघिका कार्यालय प्रमुखका बैठकका निर्णयहरु पूर्णरुपमा कार्यान्वयन गर्न निर्देशन दिइयो ।