मिति २०७५ चैत्र ४ गतेको जिल्लास्थित सूचना अधिकारीहरु र पत्रकारहरुबीचको संयुक्त बैठकका निर्णयहरु
2075-12-04
2075-12-04
- जिल्लास्थित कार्यालयहरुका सूचना अधिकारी तथा पत्रकारहरुबीचको पहिलो बैठक भएको हुँदा एकापसमा परिचय गरी दुवै पक्षका समस्या, जिज्ञासा तथा एकअर्काप्रतिको अपेक्षाबारे छलफल गरियो।
- सूचनाको हकलाई प्रचलनमा ल्याउन सूचना अधिकारीहरु तथा पत्रकारहरु सबैले आ-आफ्नो क्षेत्रबाट भूमिका निर्वाह गर्ने निर्णय गरियो ।
- सूचना उपलब्ध गराउने सन्दर्भमा सूचना अधिकारीहरुले सुधार गर्नुपर्ने विषय तथा सूचनाको प्रवाह गर्ने सन्दर्भमा पत्रकारहरुले ख्याल गर्नुपर्ने विषयहरुमा दुवै पक्ष सजग रही एकापसमा सुमधुर सम्बन्ध कायम गरी पारदर्शिता र सुशासन प्रवर्धनमा टेवा पुर्याउने निर्णय गरियो ।
- सबै सार्वजनिक निकायले ३/३ महिनामा सार्वजनिक गर्नुपर्ने विवरण अनिवार्यरुपमा सार्वजनिक गर्ने, सोको जानकारी आम सञ्चार माध्यम तथा आम नागरिक समक्ष पुर्याउने व्यवस्था मिलाउने निर्णय गरियो ।
- सबै कार्यालयका वेभसाइट नियमित अद्यावधिक गर्ने, कार्यालयसँग सम्बन्धित सूचनाहरु ईमेल मार्फत प्रवाह गर्ने, आधुनिक प्रविधिको प्रयोगलाई जोड दिने, पत्रकारहरुले समेत कार्यालयका वेभसाइट, फेसबुक पेज आदि नियमित रुपमा चेक गरी जानकारी लिने निर्णय गरियो ।
- सूचना अधिकारीहरु र पत्रकारहरुवीच हरेक ३/३ महिनामा बैठक तथा अन्तरक्रिया गर्ने निर्णय गरियो ।